ஏ.ஆர்.முருகதாஸின் வெப் தொடரில் நடிக்கும் வாணி போஜன்

தொலைக்காட்சி மூலம் வரவேற்பு பெற்ற வாணி போஜன் ‘ஓ மை கடவுளே’ படம் மூலமாக சினிமாவில் அறிமுகமாகியுள்ளார். நடிப்புக்காக ஏர் ஹோஸ்டஸ் வேலையை உதறிவிட்டு வந்தவர். ‘ஓ மை கடவுளே’ படத்தில் அவருடைய கேரக்டருக்கு பெரும் வரவேற்பு கிடைத்தது. இதையடுத்து அவருக்கு பட வாய்ப்புகள் குவிந்தவண்ணம் உள்ளன. தற்போது அவர் கைவசம் 5 படங்கள் உள்ளன.

அதுமட்டுமின்றி, அவர் ஒரு வெப் தொடரிலும் நடித்து வருகிறார். இந்த வெப்தொடரை ஏ.ஆர்.முருகதாஸ் தயாரிக்கிறார். இந்த வெப் தொடரை ஏ.ஆர்.முருகதாஸின் துணை இயக்குனர் இயக்கி வருகிறார். இதன் படப்பிடிப்பு விறுவிறுப்பாக நடந்து வந்தது. தற்போது கொரோனா ஊரடங்கால் படப்பிடிப்பு நிறுத்தப்பட்டுள்ளது. ஊரடங்கு முடிந்தபின் இந்த வெப் தொடர் குறித்த அதிகாரப்பூர்வ தகவலை வெளியிட உள்ளனர்.