ஓடிடி வெளியீட்டில் இருந்து பின்வாங்கிய விஜய் சேதுபதி படம்

காக்கா முட்டை, குற்றமே தண்டனை, ஆண்டவன் கட்டளை போன்ற படங்களை இயக்கிய மணிகண்டன், அடுத்ததாக இயக்கி உள்ள படம் ‘கடைசி விவசாயி’. இந்த படத்தில் விஜய் சேதுபதி, யோகி பாபு ஆகியோர் முக்கிய கதாபாத்திரங்களில் நடித்துள்ளனர். விவசாயம், விவசாயிகளை மையப்படுத்தி இந்த படம் உருவாகி இருக்கிறது. இளையராஜா இசையமைத்துள்ள இப்படத்திற்கு அயனகா போஸ் ஒளிப்பதிவு செய்துள்ளார்.

கொரோனா அச்சுறுத்தல் காரணமாக இப்படத்தை ஓடிடி-யில் வெளியிட திட்டமிட்டு இருந்த படக்குழு, இதுதொடர்பாக பேச்சுவார்த்தையும் நடத்தி வந்தனர். ஆனால் தற்போது திரையரங்குகள் திறக்கப்பட்டுள்ளதால் ஓடிடி முடிவை கைவிட்டுள்ளனர். வருகிற செப்டம்பர் மாதம் இப்படத்தை திரையரங்குகளில் வெளியிட திட்டமிட்டுள்ளார்களாம். விரைவில் ரிலீஸ் தேதி அறிவிக்கப்படும் என எதிர்பார்க்கப்படுகிறது.