சிவகார்த்திகேயனின் ‘டாக்டர்’ ரிலீஸ் தள்ளிப்போகிறதா?

சிவகார்த்திகேயன் நடிப்பில் உருவாகி உள்ள படம் டாக்டர். கோலமாவு கோகிலா படத்தை இயக்கிய நெல்சன் இந்த படத்தை இயக்கி உள்ளார். தெலுங்கில் கேங்ஸ்டர் படத்தில் நடித்து பிரபலமான பிரியங்கா இப்படத்தின் மூலம் தமிழில் ஹீரோயினாக அறிமுகமாக உள்ளார். மேலும் யோகிபாபு, வினய் உள்ளிட்ட பலர் முக்கிய கதாபாத்திரத்தில் நடித்துள்ளனர்.

கே.ஜே.ஆர். ஸ்டூடியோஸ் நிறுவனத்துடன் சிவகார்த்திகேயனின் எஸ்.கே.புரொடக்‌ஷன் நிறுவனமும் இணைந்து தயாரித்துள்ள இப்படத்திற்கு அனிருத் இசையமைத்துள்ளார். இப்படம் வருகிற மார்ச் 26-ந் தேதி ரிலீசாகும் என அறிவிக்கப்பட்டுள்ளது.

இந்நிலையில், வருகிற சட்டசபை தேர்தல் காரணமாக டாக்டர் படத்தின் ரிலீஸ் தள்ளிப்போக வாய்ப்புள்ளதாக கூறப்படுகிறது. படத்தை தேர்தலுக்கு பின் வெளியிட படக்குழு ஆலோசித்து வருவதாக தகவல் வெளியாகி உள்ளது. தமிழக சட்டசபை தேர்தல் வருகிற ஏப்ரல் 6-ந் தேதி நடைபெற உள்ளது குறிப்பிடத்தக்கது.