பாலிவுட்டில் பிளாக்பஸ்டர் ஹிட்டான படத்தை தமிழில் ரீமேக் செய்யும் ஆர்.ஜே. பாலாஜி

பாலிவுட்டில் கடந்த 2018 ஆம் ஆண்டு ஆயுஷ்மான் குரானா நடிப்பில் வெளியான திரைப்படம் ‘பதாய் ஹோ’. முழுநீள காமெடி திரைப்படமான இது ரூ.29 கோடி பட்ஜெட்டில் எடுக்கப்பட்டு, ரூ.220 கோடி வரை வசூலித்து பிளாக்பஸ்டர் ஹிட் படமாக அமைந்தது.

இந்நிலையில், இந்தப் படத்தை தமிழில் ரீமேக் செய்ய ஆர்ஜே பாலாஜி திட்டமிட்டுள்ளாராம். இப்படத்தை அவரே இயக்கவும் உள்ளாராம். ஆர்.ஜே.பாலாஜி ஏற்கனவே நயன்தாரா நடித்த ‘மூக்குத்தி அம்மன்’ திரைப்படத்தை இயக்கி உள்ளார் என்பது குறிப்பிடத்தக்கது.

மேலும் இந்த திரைப்படத்திற்கு ‘வீட்ல விசேஷங்க’ என்று தலைப்பு வைக்க உள்ளதாக கூறப்படுகிறது. ஏற்கனவே இதே தலைப்பில் பாக்யராஜ் ஒரு திரைப்படத்தை இயக்கி உள்ள நிலையில், இந்த தலைப்புக்காக ஆர்.ஜே.பாலாஜி அவரிடம் பேச்சுவார்த்தை நடத்தி உள்ளதாகவும் தகவல்கள் வெளிவந்துள்ளன.

இந்த படம் குறித்த அதிகாரப்பூர்வ அறிவிப்பு விரைவில் வெளியாகக் கூடும் என எதிர்பார்க்கப்படுகிறது.