லியோ படத்தின் போஸ்டரால் வெடித்த சர்ச்சை.. வைரலாகும் தகவல்

தமிழ் சினிமாவில் முன்னணி நடிகராக வலம் வருபவர் தளபதி விஜய். இவரது நடிப்பில் வெளியாகி ரசிகர்கள் மத்தியில் மிகுந்த வரவேற்பை பெற்ற திரைப்படம் வாரிசு.

இந்த படத்தை தொடர்ந்து தளபதி விஜய் லோகேஷ் கனகராஜ் இயக்கத்தில் உருவாகி வரும் லியோ என்ற படத்தில் நடித்து வருகிறார். படத்தின் படப்பிடிப்புகள் விறுவிறுப்பாக நடைபெற்று வரும் நிலையில் தீபாவளிக்கு படம் ரிலீஸ் ஆகும் என எதிர்பார்க்கப்படுகிறது.

இந்த நிலையில் விஜயின் பிறந்தநாளான ஜூன் 22 ஆம் தேதி நான் ரெடி என்ற சிங்கிள் ட்ராக் பாடல் வெளியாக இருப்பதாக அதிகாரப்பூர்வ அறிவிப்பு வெளியானது. இது குறித்த போஸ்டரில் விஜய் வாயில் சிகரெட் வைத்துக் கொண்டிருப்பது சர்ச்சையை கிளப்பியுள்ளது.

இதற்கு முன்னதாக சர்க்கார் பட பர்ஸ்ட் லுக் போஸ்டரில் விஜய் சிகரெட் இருந்தது சர்ச்சை ஏற்படுத்திய நிலையில் அதன் பிறகு அந்த போஸ்டர் டெலிட் செய்யப்பட்டது. தற்போது மீண்டும் இதை போல் செய்திருப்பது விமர்சனத்திற்கு உள்ளாகி வருகிறது.

சர்ச்சைகளால் படத்திற்கு ப்ரமோஷன் கிடைக்கும் என்பதாலே இவ்வாறு செய்து வருவதாகவும் குற்றச்சாட்டுகள் கிளம்பியுள்ளன.