லியோ படத்தில் இணைந்த பிரபலம்.வைரலாகும் தகவல்

தமிழ் சினிமாவில் முன்னணி இயக்குனராக வலம் வருபவர் லோகேஷ் கனகராஜ். இவரது இயக்கத்தில் விக்ரம் திரைப்படத்தின் வெற்றியை தொடர்ந்து உருவாகி வரும் திரைப்படம் லியோ. தளபதி விஜய் நடிப்பில் உருவாகி வரும் இப்படத்தில் அர்ஜுன், சஞ்சய் தத், மன்சூர் அலிகான், மேத்யூ தாமஸ், நடிகைகள் திரிஷா, பிரியா ஆனந்த், இயக்குனர்கள் மிஷ்கின், கௌதம் வாசுதேவ் மேனன், டான்ஸ் மாஸ்டர் சாண்டி ஆகியோர் முக்கிய கதாபாத்திரத்தில் நடிக்கின்றனர்.

அனிருத் இசையமைப்பில் 7 ஸ்கிரீன் ஸ்டுடியோஸ் நிறுவனம் தயாரிப்பில் உருவாகி வரும் இப்படத்தின் படப்பிடிப்பு தற்போது காஷ்மீரில் தீவிரமாக நடைபெற்று வருகிறது. வரும் மார்ச் 25ஆம் தேதியுடன் காஷ்மீரில் நடைபெற்று வரும் படப்பிடிப்பு நிறைவடைய இருக்கும் நிலையில் பாலிவுட் நடிகர் சஞ்சய் தத்தை தொடர்ந்து மேலும் ஒரு வில்லன் நடிகர் படப்பிடிப்பில் இணைந்து இருப்பதாக புதிய தகவல் வெளியாகி உள்ளது.

அதன்படி இப்படத்தில் தமிழ் சினிமாவில் பிரபல வில்லனாக நடித்து வரும் நடிகர் மதுசூதனன் ராவ் இணைந்துள்ளதாக தகவல் வெளியாகி உள்ளது. இதனை விஜய் ரசிகர்கள் வைரலாக்கி வருகின்றனர்.