மகத்தான மனிதர்கள் மகத்தான நினைவுகள்.. நேதாஜி சிலை முன் கமல்ஹாசன் போட்ட பதிவு

கோலிவுட் திரை உலகில் உலக நாயகனாக வலம் வருபவர் நடிகர் கமல்ஹாசன். இவர் லோகேஷ் கனகராஜ் இயக்கத்தில் வெளியான விக்ரம் திரைப்படத்தின் வெற்றியை தொடர்ந்து ஷங்கர் இயக்கத்தில் மீண்டும் உருவாகும் இந்தியன் 2 திரைப்படத்தில் நடித்து வருகிறார். இப்படத்தில் கமலுடன் இணைந்து காஜல் அகர்வால், ரகுல் பிரீத் சிங், பிரியா பவானி சங்கர் உள்ளிட்ட பல திரை நட்சத்திரங்கள் முக்கியமான கதாபாத்திரத்தில் நடித்து வருகின்றனர். தற்போது இப்படத்திற்கான படப்பிடிப்பு பணிகளும் தீவிரமாக நடைபெற்று வருகிறது.

இந்நிலையில் இப்படத்தின் படப்பிடிப்பு தளத்தில் சேனாதிபதி கெட்டப்பில் இருக்கும் கமல்ஹாசன் புகைப்படம் ஒன்றை தனது சமூக வலைதள பக்கத்தில் பதிவிட்டு வைரல் ட்வீட் ஒன்றை வெளியிட்டுள்ளார். அதில் அவர், “25 ஆண்டுகளுக்கு முன்னர் கலைஞரால் மாவீரர் நேதாஜிக்கு சிலை திறக்கப்பட்ட அதே நாளில் அந்தச் சிலையின் கீழே இந்தியன்-2 படப்பிடிப்பிற்காக நிற்கிறேன். மகத்தான மனிதர்கள், மகத்தான நினைவுகள்”. என்று புகைப்படத்துடன் இணைத்து குறிப்பிட்டிருக்கிறார்.

இதோ அந்த புகைப்படம்