ஜெயிலர் படத்தின் தீம் மியூசிக் வைரல்

தமிழ் திரை உலகின் சூப்பர் ஸ்டாரான ரஜினிகாந்த் அவர்கள் தற்போது நெல்சன் இயக்கத்தில் உருவாகி வரும் ‘ஜெயிலர்’ திரைப்படத்தில் நடித்து வருகிறார். இதில் அவருடன் இணைந்து சிவராஜ் குமார், ரம்யா கிருஷ்ணன், யோகி பாபு, விநாயகன், வசந்த் ரவி ஆகியோர் முக்கியமான கதாபாத்திரத்தில் நடித்து வருகின்றனர்.

அனிருத் இசையமைப்பில் உருவாகி வரும் இப்படத்தை சன் பிக்சர்ஸ் நிறுவனம் தயாரித்து வருகிறது. இப்படத்திற்கான படப்பிடிப்பு பணிகள் தீவிரமாக நடைபெற்று வரும் நிலையில் இப்படத்தின் ரஜினியின் முத்துவேல் பாண்டியன் தீம் மியூசிக் சிறப்பு வீடியோவுடன் சமீபத்தில் வெளியாகி இணையதளத்தில் வைரலானது. அந்த தீம் மியூசிக் தற்போது அனைத்து ஆடியோ ஸ்ட்ரீமிங் பிளாட்பார்மிலும் வெளியாகி உள்ளது. இதனை படக்குழு பதிவின் மூலம் தெரிவித்துள்ளது.