படப்பிடிப்பில் விபத்து…. பிரபல நடிகைக்கு எலும்பு முறிவு

‘ராஜபாட்டை’ படம் மூலம் சினிமாவில் அறிமுகமானவர் சனா. விக்ரம் நடித்த இந்தப் படத்தில் வில்லன் கதாபாத்திரத்தில் சனா நடித்திருந்தார். இப்படம் இவருக்கும் சிறந்த அடையாளத்தை கொடுத்தது.

இவர் தமிழ், தெலுங்கு, மலையாளம், கன்னடம் ஆகிய மொழிகளில் 500-க்கும் மேற்பட்ட படங்களில் நடித்துள்ளார். குறிப்பாக தெலுங்கில் பல படங்களில் நடித்துள்ளார். தற்போது சின்னத்திரையில் பிசியாக நடித்து வருகிறார்.

இந்நிலையில், படப்பிடிப்பின் போது கீழே விழுந்த விபத்தில் நடிகை சனாவிற்கு இடது கையில் பலத்த காயம் ஏற்பட்டுள்ளது. படப்பிடிப்பை நிறுத்திய படக்குழுவினர் உடனே அவருக்கு தீவிர சிகிச்சைக்கு அளித்தனர். இடது கையில் எலும்பு முறிவு ஏற்பட்டுள்ள சனாவை டாக்டர்கள் ஓய்வு எடுக்க வலியுறுத்தியுள்ளனர்.