தனது மனைவியுடன் இருக்கும் புகைப்படத்தை வெளியிட்டு அட்லி போட்ட பதிவு. வாழ்த்து கூறும் ரசிகர்கள்

கோலிவுட் திரை உலகில் முன்னணி இயக்குனராக வலம் வருபவர் அட்லீ. இவர் இயக்குனர் ஷங்கரின் உதவி இயக்குனராக பணிபுரிந்து ராஜா ராணி என்னும் திரைப்படத்தின் மூலம் இயக்குனராக அறிமுகமானார். இப்படத்தில் கிடைத்த வெற்றியை தொடர்ந்து தளபதி விஜய் நடிப்பில் தெறி, மெர்சல் ஆகிய திரைப்படங்களை இயக்கி ரசிகர்கள் மத்தியில் நல்ல வரவேற்பை பெற்றிருந்தார்.

தற்போது இவர் பாலிவுட் ஷாருக்கான் நடிப்பில் ஜவான் திரைப்படத்தை உருவாக்கி வருகிறார். இதில் கதாநாயகிகளாக நயன்தாரா மற்றும் தீபிகா படுகோனே நடித்து வருகின்றனர். இப்படத்திற்கான படப்பிடிப்பு பணிகள் தீவிரமாக நடைபெற்று வரும் நிலையில் மகிழ்ச்சியான பதிவு ஒன்றை வெளியிட்டு நடிகர் அட்லீ ரசிகர்களுக்கு இன்ப அதிர்ச்சி கொடுத்துள்ளார்.

அதில் அவர், தனது மனைவி பிரியா அட்லீ கர்ப்பமாக இருப்பதை அறிவிப்பதில் மகிழ்ச்சியாக இருக்கிறோம் என்று புகைப்படத்துடன் வெளியிட்டு உங்கள் அனைவரின் ஆசிகளும் அன்பும் வேண்டும் என்று பதிவிட்டிருக்கிறார். இப்பதிவை கண்டு மகிழ்ச்சி அடைந்த ரசிகர்கள் தங்களது வாழ்த்துக்களை தெரிவித்து இப்பதிவினை வைரலாக்கி வருகின்றனர்.