சிகிச்சை பலனின்றி உயிரிழந்த அங்காடித் தெரு சிந்து. ரசிகர்கள், பிரபலங்கள் இரங்கல்

தமிழ் சினிமாவில் வசந்தபாலன் இயக்கத்தில் வெளியாகி ரசிகர்கள் மத்தியில் மிகுந்த வரவேற்பை பெற்ற திரைப்படம் அங்காடித்தெரு. இந்த படத்தின் மூலம் ரசிகர்கள் மத்தியில் பிரபலமானவர் சிந்து.

இதைத் தொடர்ந்து அடுத்தடுத்த படங்களில் நடித்து வந்த இவர் மார்பக புற்றுநோயால் பாதிக்கப்பட்டு சிகிச்சைக்கு கூட பணம் இல்லாமல் அவதிப்பட்டு வந்த நிலையில் நடிகர்கள் பலரும் அவருக்கு உதவி செய்து வந்தனர்.

தொடர்ந்து தன்னுடைய உடல்நிலை குறித்து பல்வேறு பேட்டிகளில் பேசி வந்த இவர் கடந்த சில தினங்களாக இவரது உடல்நிலை நாளுக்கு நாள் மோசம் அடைந்து வந்த நிலையில் அதிகாலை கீழ்ப்பாக்கம் பகுதியில் உள்ள தனியார் மருத்துவமனையில் சிகிச்சை பலனின்றி காலமாகி உள்ளார்.

இவரது மறைவு திரை உலகில் அதிர்ச்சியை ஏற்படுத்த ரசிகர்கள், பிரபலங்கள் என பலரும் இரங்கல் தெரிவித்து வருகின்றனர்.