ஆதித்த கரிகாலன் கெட்டப் உருவானதை வீடியோ மூலம் வெளியிட்ட படக்குழு

கோலிவுட் திரை உலகில் பிரபல முன்னணி நடிகராக வலம் வருபவர் விக்ரம். இவர் தற்போது பா.ரஞ்சித் இயக்கத்தில் உருவாகி வரும் தங்கலான் திரைப்படத்தில் நடித்து வருகிறார். இதற்கிடையில் மணிரத்தினம் இயக்கத்தில் கடந்த ஆண்டு வெளியான பொன்னியின் செல்வன் திரைப்படத்தின் முதல் பாகத்தில் ஆதித்த கரிகாலனாக நடித்து அனைவரையும் அசத்தியிருந்தார்.

தற்போது தமிழ் சினிமாவிற்கு பெருமை சேர்த்து மாபெரும் வரவேற்பை பெற்று 500 கோடிக்கு மேல் வசூல் சாதனை செய்திருந்த இப்படத்தின் இரண்டாம் பாகம் வரும் ஏப்ரல் 28ஆம் தேதி திரைக்கு வர இருக்கிறது. இதற்கான பிரமோஷன் பணிகளும் சூடு பிடித்து வரும் நிலையில் இப்படத்தின் கதாபாத்திரங்கள் உருவான விதத்தின் வீடியோவை அவ்வப்போது படக்குழு வெளியிட்டு ரசிகர்களை கவர்ந்து வருகிறது.

அந்த வகையில், இப்படத்தின் தயாரிப்பு நிறுவனமான லைக்கா நிறுவனம் ஆதித்த கரிகாலன் கதாப்பாத்திரத்தில் நடித்திருக்கும் விக்ரமின் தோற்றம் வடிவமைக்கப்பட்ட தற்போது வீடியோவை வெளியிட்டுள்ளது. மேலும் இந்த வீடியோவில் டிரைலர் விரைவில் வெளியாகும் என்ற தகவலையும் குறிப்பிடப்பட்டுள்ளது.