லியோ படத்தின் நான்கு நாள் வசூல் எவ்வளவு தெரியுமா?வைரலாகும் தகவல்

தமிழ் சினிமாவில் முன்னணி நடிகராக வலம் வருபவர் தளபதி விஜய். இவரது நடிப்பில் கடந்த அக்டோபர் 19ஆம் தேதி வெளியாகி ரசிகர்கள் மத்தியில் நல்ல வரவேற்பை பெற்று வருகிறது லியோ திரைப்படம்.

லோகேஷ் கனகராஜ் இயக்கத்தில் அனிருத் இசையில் செவன் ஸ்கிரீன் ஸ்டுடியோஸ் நிறுவனத்தின் தயாரிப்பில் வெளியான இந்த படத்தில் திரிஷா, சஞ்சய் தத், அர்ஜுன் என எக்கச்சக்கமான திரையுலக பிரபலங்கள் இணைந்து நடித்துள்ளனர்.

முதல் நாளே ரூ 148 கோடி வரை வசூல் செய்த இந்த திரைப்படம் நான்கு நாள் முடிவில் ரூ 400 கோடியை கடந்து வசூல் செய்திருப்பதாக பாக்ஸ் ஆபிஸ் வட்டாரங்களில் இருந்து தகவல்கள் வெளியாகி உள்ளன.

இதனால் பத்தே நாளில் படம் ஆயிரம் கோடி வசூலை நெருங்கும் என விஜய் ரசிகர்கள் கொண்டாடி வருகின்றனர்.