தமிழ், தெலுங்கில் மாற்றம் ஏற்பட்டு கொண்டிருக்கிறது – மீனா

தமிழ் ரசிகர்களுக்கு ரஜினி அங்கிள் என்ற அந்த குரலை மறக்க முடியாது. அந்த குரலுடன் குழந்தை நட்சத்திரமாக சினிமாவில் காலடி எடுத்து வைத்தவர் நடிகை மீனா. பின்னர் கதாநாயகியாகவும் ரஜினி, விஜயகாந்த், அஜித், பிரசாந்த் என பல நடிகர்களுடன் ஜோடியாக அவர் நடித்துள்ளார்.

மலையாளம், தெலுங்கு என தென்னிந்திய மொழிகளிலும் நடித்து வந்துள்ளார். இப்போது பல ஆண்டுகளுக்கு பிறகு தமிழ் சினிமாவில் தலைவர் 168 படத்தில் ரஜினியுடன் நடிப்பதன் மூலம் மீண்டும் பிரவேசித்துள்ளார். இந்நிலையில் அவர் தான் தமிழில் நடிக்காதது ஏன் என்பது குறித்து கூறியுள்ளார்.

இதில் அவர் மலையாள படங்களில் கதை அழுத்தமாக இருக்கும். நடிகர்களுக்காக கதையில் பெரியளவில் மாற்றம் அமையாது. யார் நடிக்கிறார்கள் என்பதை விட கதாபாத்திரம் தான் பிரதானம். இது போல மற்ற மொழிகளில் இல்லை. தமிழ், தெலுங்கிலும் மெல்ல இந்த மாற்றம் ஏற்பட்டு கொண்டிருக்கிறது. இது இன்னும் அதிகமாகி நிறைய படங்களில் நடிக்க வேண்டும் என்பதே என் ஆசை என தெரிவித்துள்ளார்.