அசுரன் ரீமேக்கில் அமலாபால்

பூமணி எழுதிய வெக்கை நாவலை அடிப்படையாக கொண்டு வெற்றிமாறன் இயக்கத்தில் தனுஷ் நடித்த படம் அசுரன். தீண்டாமை உள்ளிட்ட அடக்குமுறைக்கு எதிராக பேசிய இப்படம் விமர்சன ரீதியாகவும் வசூல் ரீதியாகவும் நல்ல வரவேற்பை பெற்றது. 100 நாட்கள் வெற்றிகரமாக ஓடிய இப்படம் 100 கோடிக்கு மேல் வசூல் சாதனையும் படைத்தது.

இந்நிலையில், அசுரன் படம் தெலுங்கில் நாரப்பா என்ற பெயரில் ரீமேக் ஆகிறது. இப்படத்தில் தனுஷ் நடித்த கேரக்டரில் வெங்கடேஷ் நடிக்கிறார். மஞ்சுவாரியர் கேரக்டரில் பிரியாமணி நடிக்கிறார்.

இப்படத்தின் ஷூட்டிங் கடந்த சில நாட்களாக திருநெல்வேலியில் நடந்து வருகிறது. தற்போது இந்தப் படத்தில் நடிகை அமலாபாலும் இணைந்துள்ளார். இவர், தனுஷை காதலிப்பவராக நடித்த அம்மு அபிராமி கேரக்டரில் நடித்து வருகிறார்.