Tamilstar
News Tamil News சினிமா செய்திகள்

தனுஷுடன் இணையும் ரஜினி பட வில்லன்

Dhanush

தமிழில் முன்னணி நடிகராக இருக்கும் தனுஷ், ஆனந்த் எல்.ராய் இயக்கிய ராஞ்சனா படம் மூலம் இந்தியில் அறிமுகமானார். இப்படத்திற்கு பாலிவுட்டில் நல்ல வரவேற்பு கிடைத்தது. பின்னர் மீண்டும் ஷமிதாப் என்னும் படத்தில் நடித்தார். இப்படத்தில் அமிதாப் பச்சன் முக்கிய கதாபாத்திரத்தில் நடித்திருந்தார்.

இதையடுத்து பல்வேறு பாலிவுட் பட வாய்ப்புகள் வந்தும் நடிக்காமல் இருந்த தனுஷ், தமிழ் படங்களில் கவனம் செலுத்தி வந்தார். சமீபத்தில் இவர் நடிப்பில் வெளியான அசுரன் படம் 100 நாட்களை கடந்து வெற்றிகரமாக ஓடி வருகிறது.

இந்நிலையில், தனுஷ் மீண்டும் பாலிவுட் படத்தில் நடிக்க உள்ளார். ஆனந்த் எல்.ராய் இயக்கும் இப்படத்தில் தனுஷுடன் அக்‌ஷய் குமாரும் நடிக்க உள்ளதாக தகவல் வெளியாகியுள்ளது. இவர் ஏற்கனவே ஷங்கர் இயக்கத்தில் வெளியான 2.0 படத்தில் ரஜினிக்கு வில்லனாக நடித்திருந்தார் என்பது குறிப்பிடத்தக்கது.